Lista di konsepto

Hasi un eskoho for di e sigiente "sub items":

Lista di konsepto

Pagadó di impuesto OZB (mi tin ku paga OZB?)

Ta kobra OZB na momentu ku un persona, na kuminsamentu di un aña, ta disfrutá di, ta poseé òf tin derechi limitá di un propiedat. Bo ta bini na remarke si na kuminsamentu di aña, bo ta menshoná den e registro di kadastral.

Den kaso ku un edifsio ta riba tereno di hür ku ta propiedat di Kòrsou lo kobrá e hürdó di e tereno e impuesto di e balor di e edifisio.

Si na kuminsamentu di aña tin mas ku un pagadó di impuesto ku ta disfrutá di un propiedat, e kobransa di e impuesto ta bira unu kolektivo.

Impuesto riba propiedat: kiko esaki ta presis?

1. Ta konsiderá e siguiente kasonan komo propiedat:

  1. konstrukshon di un edifisio (kas, pakus/tienda, kantor etc. );
  2. un propiedat sin konstrukshon (tereno);

Den kaso ku e tereno ta di hür, e konstrukshon ku tin riba e tereno ta propiedat di e doño di tereno. Tereno ku ta propiedat di Kòrsou ta haña dispensashon di OZB. Pa e kaso aki lo kobra e hürdó di e tereno e balor di e edifisio ku e tin riba e tereno.

E siguiente kasonan ta haña dispensashon di OZB:

  1. propiedat ku ta pertenesé na Kòrsou;
  2. propiedat ku ta pertenesé na Estado di Ulanda i ku ta hasi uso di dje solamente pa servisio públiko;
  3. edifisionan ku prinsipalmente ta destiná pa servisio honorario i e partinan ku ta pertenesé na e edifisio (por ehèmpel Iglesia, Moskee, Synagoge);
  4. sementerio i krematorio inkluso edifisionan ku ta pertenesé na nan;
  5. edifisionan únikamente pa uso di edukashon no komersial;
  6. edifisionan únikamente pa uso di kuido médiko òf kuido pa pashènt òf personanan ménos habilitá;
  7. na bienestar di kompanianan ku e propósito pa usa e tereno kultural únikamente pa agrikultura i selvikultura, ku kondishon ku no a konstruí edifisio riba e tereno;
  8. sierto kompleho di edifisio i propiedatnan di empresanan ku ta kai bou di sierto areglonan spesífiko, ku tin komo meta stimulá desaroyo ekonómiko. Nos ta referí na e lei pa e formulashon eksakto;
  9. terenonan natural ku ta aksesibel pa públiko despues ku haña aprobashon di Minister;
  10. terenonan deportivo i fasilidatnan pa deporte.

Na c te ku f i na j ta konta solamente si esaki ta pertenesé na Kòrsou òf na un fundashon ku no ta dirigí òf ta hasi ganashi.

E balor di propiedat inmovibel pa OZB

E norma pa kobransa di OZB ta basá riba e balor stipulá, ku kondishon ku ora traspasá e propiedat kompletu, esun ku haña esaki no tin reklamo riba dje. E persona ku kumpra e propiedat por hasi bon uso di dje sin ningun problema. Nos ta yama esaki tambe e balor ku e tin riba merkado: e balor ku un tersero ta dispuesto pa paga pa e kumpra e propiedat di bo i e propietario nobo por hasi uso di dje inmediatamente (no den estado di hür).

Ta determiná e balor di e edifisio ku tin riba e tereno di hür, ku ta propiedat di Kòrsou, sin tene kuenta ku e balor di e tereno.

Den sierto kaso tin eksepshon ku ta konta otro tipo di balorashon. Pa esaki nos ta referí na e teksto di e ordenansa.

Ta stipulá e fecha di balorashon na kuminsamentu di un periodo di 5 aña. E promé periodo pa kobransa di OZB ta di 1 di yanüari 2014 te ku 31 di desèmber 2018.

Kambio den balorashon temporal

Si un propiedat a kambia komo resultado di konstrukshon, rekonstrukshon, mehorashon, deskomposishon, destrukshon i algun kaso mas nombrá den e lei lo desviá for di e regla di fecha di balorashon, ku ta na komienso di e periodo di sinku aña. Lo balorá e propiedat di nobo. Esaki ta kuminsá konta na inisio di e siguiente aña ku e kambio a tuma lugá.

Ta stipulá un balor nobo solamente si e kambio a surpasá 5 % di e balor original i un mínimo di NAf. 25.000,00.

Kobransa di impuesto (pa fasilidat ta sigui usa e palabra aanslag den e tekstonan ku ta sigui)

Ta kobra OZB pa medio di un aanslag. Tin dos tipo di aanslag, un voorlopige aanslag i un aanslag definitivo. Ta stipulá un voorlopige aanslag na momentu ku no tin tur dato pa e bira definitivo (por ehèmpel via balor di un taksashon). Despues di tur voorlopige aanslag lo bo risibí un aanslag definitivo pa e aña(nan) konserní.

Inspektor ta stipulá e balor di e propiedat despues ku e tin indikashon kiko e promé aanslag definitivo ta bira pa e periodo di 5 aña. Lo informá e persona konserní por eskrito di e balor di su propiedat.

Si un propiedat tin mas ku un pagadó di impuesto embolbí (herensia no repartí, timeshare etc.), Inspektor por imponé un aanslag riba un di e personanan.

No ta kobrá un aanslag ku tin un montante ménos ku NAf. 100,00.

Opheshon kontra di e balor stipulá i otro tipo di opheshon

Por entregá un opheshon kontra di e balor stipulá serka Inspektor solamente den e promé aña di e periodo di 5 aña, ku e balorashon ta bálido. Un opheshon kontra di otro tipo di aanslag ku no ta e esun definitivo riba e promé aña, no por ta kontra di e balor stipulá.

Por entregá otro tipo di opheshon riba e aanslag di OZB.

Kobransa di e impuesto ku debe

Den kaso ku tin mas ku un persona tin benefisio for òf tin drechi riba un propiedat, Ontvanger lo kobra esun ku e aanslag ta dirigí na dje e impuesto. Lo no tene kuenta ku e derechinan di e otro pagadónan di impuesto.

Den kaso ku tin mas persona tin benefisio i mester paga OZB riba e propiedat, tur pagadónan di impuesto ta responsabel pa e montante kompletu di OZB.

Naar top