Imposishon di aanslag

Hasi un eskoho for di e sigiente "sub items":

Imposishon di aanslag

General

Tur aña lo kobra OZB meskos ku tabata e kaso ku grondbelasting. En prinsipio e aanslag (definitivo) ta konta pa tur e sinku añanan konserní. A base di e rapòrt di taksashon lo stipulá e balor un biaha so. Esaki ta sosodé na kuminsamentu di kada periodo di sinku añanan ku ta na turno.

Dor ku no por taksa tur propiedat ku ta kai bou di OZB den e promé aña, Inspektor lo traha ku voolopige aanslag i tambe esnan ku si ta definitivo kaba. Miéntras no a taksa e propiedat, e persona konserní lo risibí un voorlopige aanslag di OZB. E voorlopige aanslag ta basá en prinsipio riba e balor ku ta konosí serka e Inspektor pero lo hasi uso di e tarifanan adaptá.

Despues ku balorashon pa e 5 añanan en kuestion a tuma lugá, lo manda un aanslag definitivo pa tur e añanan ku a pasa i e aña koriente. Den e aanslag definitivo, ku ta basá riba un tarifa nobo, lo deskontá e voorlopige aanslag.


Voorlopige aanslag OZB

Tanten e taksashon no a tuma lugá pa determiná e aanslag definitivo Inspektor lo manda tur aña un voorlopige aanslag pa OZB pa e aña ku ta na vigor. Pues e balor ku ta mantené ta esun delaster ku Inspektor a registrá durante e último 5 añanan ku a pasa. Lo hasi uso di e tarifanan nobo di OZB.

Por paga e voorlopige aanslag den mesun tantu término ku falta, teniendo kuenta ku e lunanan ku a sobra te ku fin di aña despues di e fecha ku tin riba e aanslag.

Por entregá opheshon riba un voorlopige aanslag. Mira e parti ku ta menshoná posibilidat pa hasi opheshon den e menú.

Aanslag definitivo di OZB

Pa kada aña den kuadro di e periodo di 5 aña koriente lo manda un aanslag definitivo (e periodo aktual ta kore di 1 di yanüari 2014 te ku 31 di yanüari 2018). E aanslag definitivo ta ser stipulá despues di a balorá e propiedat a base di un rapòrt di taksashon.

Si esaki a tuma lugá for di e promé aña esta 2014 tur aanslag ku sigui en prinsipio lo ta únikamente definitivo. E periodo di e balor ta fiho pa e sinku añanan ku ta sigui. Esaki por kambia solamente si tabatin kambionan drástiko durante e periodo. Pa esaki mira e definishon di kambionan menshoná den e lista di definishon na un otro parti di e site.

Por sosodé tambe ku a stipulá e balor te na aña 2016. Den e kaso aki lo manda un voorlopige aanslag pa e añanan anterior inkluso e aña konserní (2014, 2015 i 2016), promé ku e aanslag bira definitivo.

Semper lo risibí un aanslag definitivo despues ku a haña un voorlopige aanslag. Despues ku a manda un aanslag definitivo por konsiderá ku e impuesto di OZB en prinsipio ta bira fijo.

Mester paga e aanslag di OZB definitivo denter di 2 luna despues di e fecha menshoná riba e aanslag. Esaki ta otro kompará ku Gondbelasting ku por a paga e montante di esun aña den kuartal.

Aanslag OZB definitivo 2014

Ora bo risibí e aanslagbiljet Onroerendezaakbelasting pa aña 2014 bo ta mira riba esaki e balor ku a stipulá pa bo propiedat inmóvil.  Si bo ta di opinion ku e balor stipulá ta muchu haltu, bo por entregá un karta di opheshon na Inspektor di Impuesto. Pa esaki bo tin un periodo di 2 luna  despues di e fecha menshoná riba e aanslag. Bo por usa e ehèmpel ku tin riba website via di e lenk aki OPHESHON aanslag OZB definitivo, pero bo por usa bo mes teksto tambe. Den e karta di opheshon bo por menshoná tur argumento kontra  e balor stipulá. Den e fase aki no ta nesesario pa laga un profeshonal traha un rapòrt di taksashon.

Den kaso ku Inspektor no ta di akuerdo ku e balor ku bo ta proponé,  inspektor lo notifikábo di esaki. Despues semper bo tin e posibilidat pa embolbí un profeshonal.

Pa e montante ku tin disputa riba dje bo por pidi dispensashon serka Ontvanger.
Bo por usa e ehèmpel ku tin riba website via di e lenk aki PETISHON pa suspenshon di pago, pero bo por usa bo mes teksto tambe.  Mester paga e montante ku ta habrí denter di e término menshoná riba e aanslagbiljet. 

Naar top