Balorashon di inmóbil

Hasi un eskoho for di e sigiente "sub items":

Balorashon di inmóbil

Base pa kobransa

E norma pa kobransa di OZB ta e basá riba e balor di e propiedat konforme merkado ekonómiko. Simpel bisá esaki ta e preis ku por bende e propiedat ku un tersero sin e persona ku a kumpra tin un reklamo i e por hasi bon uso di dje, den e estado ku e ta (no e balor ku e tin ora ta hür). Pues ta bai pa e preis di benta riba merkado liber den un estado ku no ta di hür. Durante e periodo di 2014 pa 2018 e balor di e propiedat ta e preis di benta entrante yanüari 2014.

Nos ta referí na e teksto di e ordenansa OZB pa eksepshonnan riba e regla aki.

Taksashon

Inspektor ta balorá e propiedat basá riba taksashon. Pa e promé periodo di 5 aña lo hasi uso di taksadó. Entrante mei 2014 nan ta bishitá tur bario pa ehersé e tarea. Den un tim lo kontrolá e tarea i resultado di e otro su taksashon. E taksadó por identifiká su mes. E taksadó ta traha riba kamindanan públiko. Nan lo no bèl òf aserká bo pa subi bo tereno pa taksa esaki.

E taksadó ta kuminsá den barionan ku ta repartí den sekshon di e propiedatnan inmovibel ku tin riba Kòrsou, tantu na Banda Abou komo Banda Riba.

E proseso di taksashon lo por dura algun aña pa kompletá mirando e kantidat di propiedatnan ku mester taksa i e kantidat di propiedatnan ku tin registrá na Kadaster.

Kòntròl riba informashonnan

Promé ku kuminsá ku taksashon a kompará informashonnan di Inspekshon ku esnan di Kadaster. E proseso pa “match”e informashonnan ta bira difísil pasombra kada grupo ta prosesá e datonan na un otro forma. Tambe a sali na kla ku Kadaster tin mas propiedat registrá ku Inspekshon. Pa e motibu aki no ta tur hende lo haña un aanslag pa mas tardá sèptèmber di e aña aki. Durante e periodo ku ta sigui Inspekshon lo trata na atendé tur e diferenshanan aki pa finalmente tur persona por kumpli ku loke e tin ku paga.

Promé ku e taksadó kuminsá tin hopi trabou preparatorio ku mester tuma lugá. Tur informashon kadastral i mapa lo ta di prent i Inspekshon a hasi tur kòntròl nesesario pa mira si e informashonnan ku nan tin ta kuadra ku esnan di Kadaster. Tambe lo saka for di fail di taksashon tur propiedat ku ya ta konosí ku kai bou di eksonerashon di OZB.

Despues ku Inspekshon risibí informashon di e taksadó lo e hasi algun tèst arbitrario riba e informashonnan, esaki teniendo kuenta ku mester atendé e proseso ku koutela i presishon di e balor stipulá.

Stipulashon di e balor dor di Inspektor

Despues di a kontrolá e informashonnan ku el a risibí i e kòntròl arbitrario di e taksashon a tuma lugá Inspektor lo manda un karta pa e pagadó di impuesto pa OZB ku menshon di e balor stipulá. Alabes e pagadó di impuesto tin e posibilidat pa entregá argumentunan bálido dikon e ta kontra di e balor stipulá. E pagadó di impuesto ta liber pa skohe e manera ku e ke bringa su kaso. Esaki tambe ta posibel usando e karta di opheshon Balor di taksashon. E por presentá dokumentonan relevante. Por ehèmpel un rapòrt di taksashon resien relashoná ku e deseo pa bende e propiedat òf petishon di finansiamentu, kaminda por dedusí ku e balor riba merkado ta mas abou ku esun ku Inspektor a stipulá.

E balor stipulá en prinsipio ta konta pa henter e periodo di 5 aña. E promé periodo a kuminsá na 2014 i ta terminá na 2018. Aunke taksashon tuma lugá despues di 2014, lo stipulá e balor entrante promé di yanüari 2014. Lo entregá un aanslag definitivo pa tur e 5 añanan di e periodo en kuestion.

Naar top