E lei Onroerendezaakbelasting ta un realidat – kiko esaki ta nifiká pa bo?

Entrante promé di yanüari 2014 a remplasá Grondbelasting na Kòrsou pa Onroerendezaakbelasting (OZB). Na mei 2013 Staten a aprobá e lei aki.

Riba e site aki bo por lesa:

Pa konkluí tin informashon den forma di algun video kòrtiku i un foyeto digital, kaminda bo por haña kontesta riba bo preguntanan relashoná ku OZB. Komo Inspekshon di Belasting nos ke sirbibu mas mihó posibel.

Kiko a kambia ku referensha na grondbelasting?

No mashá kos. A modernisá e idioma i e konseptonan den e lei, e balor basá riba taksashon awor a bira e konsepto mas kla “E balor den transakshon ekonómiko”, a introdusí un tarifa di trapi i a subi e impuesto.

Mas kos ku ta nobo ta ku den kaso di un edifisio riba un tereno di hür ku ta propiedat di pais Kòrsou e hürdó di e tereno mester paga impuesto riba balor di e edifisio. A oumentá e kantidat di eksonerashon di OZB ku prinsipalmente tereno den naturalesa ku ta habrí pa públiko despues di aprobashon di minister, i tereno di deporte i fasilidat di deporte di gobièrnu òf fundashon sin meta di lukro i ku no ta hasi ganashi tampoko. Mester paga un aanslag definitivo di OZB denter di dos luna despues di su fecha. Eksonerashon di impuesto (P.e. pa motibu di hopi tempu pará sin uso) ya no ta posibel.